Teknologjia e përdorur nga Oxford për të prodhuar dozën anti Covid të AstraZenecas është përdorur gjithashtu për të krijuar një vaksinë që mund të ndihmojë në trajtimin e kancerit, thonë shkencëtarët.
Duke përdorur të njëjtën teknologji të vaksinës me vektor viral si doza e Oksfordit, studiuesit kanë krijuar një vaksinë me dy doza që ata shpresojnë se mund të luftojë tumoret tek njerëzit.
Kur u testua në minj, vaksina rriti numrin e qelizave T kundër tumorit që sulmojnë rritjen kanceroze, dhe ndihmojnë në rritjen e shkallës së mbijetesës.
Për të krijuar trajtimin, shkencëtarët projektuan vaksinën e tyre për të synuar dy proteina të tipit MAGE të cilat janë të pranishme në sipërfaqen e shumë llojeve të qelizave kancerogjene.
Shpresohet se goditja mund të përdoret tek njerëzit së bashku me imunoterapinë e kancerit, ku qelizat T të pacientit të luftojnë tumoret.
Imunoterapia Anti-PD-1 është joefektive pasi disa pacientë kanë nivele të ulëta të qelizave T të nevojshme.
Por studiuesit kanë gjetur nivelet e rritura të qelizave të nevojshme CD-T-infiltruese në qelizat tumoriale, që ndihmojnë në rritjen e efektivitetit të terapisë. /tiranapost
