Partia ultra-ortodokse hebreje Shas, partnere e koalicionit në qeverinë izraelite deklaroi se është vetëm çështje kohe që qeveria e udhëhequr nga kryeministri Benjamin Netanyahu të shpërndahet, transmeton Anadolu.
Sipas lajmeve të televizionit shtetëror izraelit KAN, zyrtarët e Shasit filluan të drejtojnë kritika të ashpra ndaj Partisë Likud të udhëhequr nga Netanyahu pasi parlamenti izraelit tërhoqi draftin e “Ligjit të Rabinëve”.
Sipas lajmit, Partia Shas paralajmëroi se shpërbërja e qeverisë izraelite është çështje kohe dhe deklaroi se do të diskutojë hapat që do të ndërmerren në përgjigje të tërheqjes së projektligjit në fjalë.
Në lajmin ku thuhet se mbrëmë ka pasur një bisedë telefonike “të vështirë” mes kryeministrit Netanyahu dhe liderit të Shasit, rabinit Aryeh Deri, në të cilën Deri akuzoi Netanyahun për humbjen e kontrollit të koalicionit dhe se qeveria e tij ka filluar të ishte e dëmshme për popullin Haredi (hebrenjtë ultra ortodoksë).
Netanyahu e tërhoqi nga rendi i ditës projektligjin për rabinët në lexim të parë në parlament para votimit për shkak të mungesës së shumicës në favor të tij. Projektligji në fjalë parashikon kalimin e kompetencës për emërimin e rabinëve në qytete nga autoritetet lokale në Ministrinë e Shërbimeve Fetare nën drejtimin e Michael Malchieli, nga Partia Shas.
Por, partitë e ekstremit të djathtë Likud dhe Fuqia Hebreje e udhëhequr nga ministri i Sigurisë Kombëtare Itamar Ben-Gvir, e kundërshtojnë projektligjin në fjalë.
