Kushtet dimërore në Gaza kanë krijuar një mjedis edhe më të rrezikshëm për palestinezët në të gjithë Rripin.
Ushqimi është i pakët. Por ka gjithashtu një mungesë të madhe strehimi dhe mënyrash për t’u ngrohur.
Sila el-Fasee është 22 ditëshe dhe tashmë i ka duruar të gjitha këto vështirësi.
“Unë fle këtu, gruaja ime fle këtu dhe fëmijët flenë këtu,” tha babai i al-Fasee. “U ngrita në mëngjes dhe e preka vajzën time dhe për tronditjen time ajo ishte bërë shumë blu dhe ishte e fortë si një copë dru. E çova vajzën time në spital ku më thanë se vdiq për shkak të motit shumë të ftohtë.”
Jetët e të tjerëve po merren nga uria.
Kusay Naser tha se vëllai i tij Sameer vdiq ndërsa ata po kërkonin miell për t’ia sjellë nënës së tyre.
“Në vend që të sillja miell, solla vëllain tim të vdekur. Vëllai im vdiq sepse ne nuk kemi bukë dhe po përpiqeshim të merrnim pak”, tha Naser.
