Mes rrënojave dhe mbeturinave të ndërtesave të shkatërruara, palestinezët në Jabalia kthehen në shtëpitë e tyre pas shpalljes së armëpushimit dhe marrëveshjes së shkëmbimit të pengjeve dhe të burgosurve midis Hamasit dhe Izraelit, raporton Anadolu.
Palestinezët e kthyer në kampin e refugjatëve Jabalia dhe në Beit Lahia në pjesën veriore të Rripit të Gazës përballen me shkatërrimet masive.
Mijëra palestinezë të zhvendosur, duke mbajtur me vete disa gjëra elementare, kryesisht hulumtojnë nëpër rrënoja për të gjetur gjërat e tyre në shtëpitë dhe pallatet e shkatërruara.
Përkundër shkatërrimit masiv, vërehen edhe fëmijë të buzëqeshur teksa lozin nëpër gërmadha.
Marrëveshja e armëpushimit dhe shkëmbimit të të burgosurve hyri në fuqi dje, pas disa orësh vonesë.
Armëpushimi midis Hamasit dhe Izraelit pritet të ndalojë luftën gjenocidale të Izraelit në Gaza, e cila ka vazhduar që nga 7 tetori i vitit 2023 dhe ka vrarë të paktën 47 mijë palestinezë, kryesisht gra dhe fëmijë, si dhe ka plagosur mbi 110.700 të tjerë.
