Palestinezët në qytetin e Ramallahut në Bregun Perëndimor të pushtuar dolën dje në rrugë për të protestuar kundër gjenocidit dhe ofensivës ushtarake të Izraelit në Rripin e Gazës, raporton Anadolu.
Duke valëvitur flamujt palestinezë dhe duke brohoritur slogane dënuese ndaj Izraelit, protestuesit shprehën zemërimin e tyre ndaj sulmeve të vazhdueshme izraelite, të cilat kanë shkaktuar shkatërrime të gjera dhe viktima masive civile në Gaza.
Pjesëmarrës në protestë ishin edhe Mustafa Barghouti, Sekretar i Përgjithshëm i Iniciativës Kombëtare Palestineze (PNI), dhe Sabri Saidam, Zëvendëssekretar i Përgjithshëm i Komitetit Qendror të lëvizjes Fatah, të cilët shprehën solidaritetin me viktimat e dhunës në vazhdim.
Izraeli rifilloi sulmet në Gaza më 18 mars, duke thyer një armëpushim dymujor.
Mbi 50.600 palestinezë janë vrarë në enklavë në ofensivën ushtarake të Izraelit që filloi në tetor 2023, shumica prej tyre gra dhe fëmijë.
Tensionet janë gjithashtu të larta në të gjithë Bregun Perëndimor të pushtuar, ku sipas të dhënave zyrtare palestineze, më shumë se 944 palestinezë janë vrarë, rreth 7.000 janë plagosur dhe rreth 15.800 janë arrestuar.
