Nuk ka kufi në atë që tregu i zi mund të prodhojë në emër të fitimit. Problemi më i mprehtë së fundmi për tregun e ushqimit është prodhimi i orizit plastik.
Orizi, një nga ushqimet më të përhapura në botë po falsifikohet në sasi të konsiderueshme në Azi.
Orizi është prodhimi kryesor i kultivuar në vendet e Azisë Lindore si India, Vietnami, Bangladeshi, Kina, Indonezia, Malajzia dhe Singapori.
Rastet e para të orizit të rremë u raportuan në Kore dhe shpejt pasuan raportime nga Vietnami, India, Bangladeshi dhe madje disa vende evropiane.
Vendi i fundit ku njoftohet rreth shfaqjes së orizit plastik është India, një nga furnizuesit kryesorë të Shqipërisë dhe Kosovës me oriz.
Rastet e kapjes së orizit plastik fatkeqësisht kanë sjellë probleme. Prodhuesit ilegalë nga India kanë përmirësuar pamjen e orizit të falsifikuar.
Orizi po prodhohet artificialisht duke përzier niseshten e patates me një material toksik plastik fillimisht në formën e rrëshirës sintetike duke i dhënë formën e kokrrës së një prej produkteve më të konsumuara në botë.
Sipas burimeve nga India, këto kokrra jo natyrale më pas vihen në avull dhe artificialisht u jepet aroma e orizit që ne njohim.
Në fund të lajmit keni nje video të shkurtër ilustruese për Orizin Plastik që nuk duhet humbur.
Mjekët e kanë nënvizuar shpesh rrezikun që vjen nga konsumimi i këtij produkti artificial. Në tre pjata oriz gjendet aq shumë plastikë sa me të mund të krijohet një qese e mirëfilltë nga ato të pazarit.
Orizi plastik është bërë kaq i ngjashëm me orizin e vërtetë sa dallimet vështirë se mund të shihen me sy të lirë. Një gjë është e sigurt pa asnjë dyshim. Orizi plastik sjell shumë probleme të stomakut!
Si të identifikoni Orizin e Vërtetë nga ai Plastik
Tregoni kujdes kur jeni duke gatuar orizin dhe është duke vluar. Forma e kokrrave të orizit të vërtetë ndryshon gjatë procesit të vlimit. Ndërsa orizi i rremë duket i njëjtë dhe nuk e ndryshon formën e vet.
Merrini erë orizit dhe nëse ndieni erë plastike ose kimike, atëherë mund të bëhet fjalë për oriz të rremë.
Kokrrat reale të orizit janë pak të deformuara dhe të thyera, por orizi plastik nuk është.
Nëse digjni kokrra të orizit në zjarr, orizi i rremë digjet si plastikë me tym dhe lë një mbetje ngjitëse.
Vendosni disa kokrra oriz në ujë për 20 minuta. Më pas përtypni disa dhe ndjeni shijen. Orizi plastik është i pamundur për t’u përtypur dhe ka shije kimike të çuditshme.
