Omëleta është një ndër ushqimet më të shijshme dhe plot vlera që ju shoqëron çdo mëngjes, e cila mund të përgatitet në dhjetra mënyra gatimi.
Ju mund të përdorni një shumëllojshmëri përbërësish që mjafton t’i përziesh me vezën dhe t’i skuqësh.
Më poshtë, AgroWeb.org u sugjeron një recetë të shëndetshme dhe krejt unike, të përgatitjes së omëletës me bishtaja, për të nisur ditën mbarë bashkë me familjen tuaj.
E lehtë dhe e shijshme, kjo omëletë është perfekte për një vakt shumë origjinal!
Përbërësit
- 150g bishtaja
- 3 vezë
- 1/2 qepë e vogël
- 1 filxhan me koriandër
- 2 speca jeshil djegës
- 30 g miell
- Kripë për shije
Përgatitja
Filloni duke larë dhe prerë bishtajat në copa rreth 1-2cm. Ziejini në ujë me kripë për 2 minuta.
Më pas kalojini në një tas dhe shtoni aty vezët, kripë për shije, gjysmën e qepës së grirë, një filxhan koriandër të grirë, miellin, specat djegës nësë dëshironi.
Në fund përziejini mirë përbërësit sa të bashkohen me njëri-tjetrin.
Hidheni omëletën në një tigan me vaj të nxehur dhe gatuajeni për rreth 10 minuta nga secila anë.
