Agjencia e OKB-së për refugjatët palestinezë (UNRWA) ka paralajmëruar për “kushtet e rënda” me të cilat po përballen njerëzit e sapo zhvendosur nga urdhrat e dëbimit të ushtrisë izraelite në zonat Beit Hanoun dhe Beit Lahia, në veri të Gazës.
“Me ushqim dhe ujë të kufizuar, disa prej tyre tani jetojnë në tenda të improvizuara në rrugën kryesore pranë selisë qendrore të UNRWA në Gaza,” tha agjencia e OKB-së.
Më herët, drejtori i UNRWA-së, Philippe Lazzarini, tha se asnjë ndihmë humanitare nuk ka hyrë në Gaza për më shumë se tre javë, ndërsa para bllokadës së vendosur nga Izraeli dhe prishjes së armëpushimit më herët këtë muaj, në enklavë mbërrinin midis 500 dhe 600 kamionë me furnizime humanitare çdo ditë.
“Gaza është njerëzimi në orën e tij më të errët,” shkroi Lazzarini në një postim në rrjetet sociale. /mesazhi
