Kërkimet në fushën e parandalimit të sëmundjes së kancerit dëshmojnë gjithnjë e më shumë trajtime dhe kura duke rritur mundësitë për të mbijetuar, por Dita Botërore Kundër Kancerit është pikërisht rasti për të sjellë në kujtesë se ka gjithnjë e më tepër të prekur nga kjo sëmundje.
Kanceri, tërësia e patologjive që rigrupohen nën këtë emërtim, shkaktoi 8,8 milionë të vdekur në vitin 2015 sipas Organizatës Botërore të Shëndetësisë.
Kjo sëmundje renditet e dyta si shkaktarja e vdekjeve në botë, pas sëmundjeve kardiovaskulare.
Është vërtetë paradoksale të mendosh që numri i të mbijetuarve është në rritje në sajë të progreseve të arritura në fushën e mjekësisë, megjithëse numri i të prekurve sa vjen e rritet. Sipas OBSH-së kjo shifër parashikohet të rritet ndjeshëm gjatë dy dekadave të ardhshme.
Për organizatën, e cila këtë vit feston 100-vjetorin e krijimit, lufta ende nuk ka përfunduar.
Disa faktorë sqarojnë shifrat në rritje të sëmundjes në të gjithë planetin.
Fillimisht plakja e popullsisë, pasi rreziku i prekjes nga kanceri rritet me kalimin e moshës.
Më pas renditen faktorët strukturorë. Dëmet e shkaktuara nga konsumimi i duhanit, produkti i parë përgjegjës i kancerit në botë.
“Ushqimet e gatshme’’ përhapja në botë e produkteve ushqimore industriale me ndikim në rritjen e obezitetit janë faktorë rreziku.
Së fundmi industrializimi dhe urbanizimi i keqmenaxhuar renditen ndër shkaqet e sëmundjes së kancerit si ekspozimi ndaj elementëve ndotëse si azbesti, metalet e rënda, materialet toksike si dioksinat dhe ndotja e ajrit.
