Ushtria izraelite ka vrarë një gazetar tjetër palestinezë në një sulm ajror në Rripin e Gazës, duke e çuar numrin e përgjithshëm të profesionistëve të vrarë të medias që nga 7 tetori i vitit 2023 në të paktën 189, transmeton Anadolu.
Viktima e fundit Wael Ibrahim Abu Quffa, njoftoi zyra për media e qeverisë në Gaza, ishte gazetar dhe ligjërues në Departamentin e Gazetarisë dhe Medias në Universitetin Islamik në Gaza.
Zyra për media dënoi vrasjen e gazetarit, i bëri thirrje komunitetit ndërkombëtar të ndërhyjë, si dhe sulmet ndaj gazetarëve i përshkroi sistematike.
Ajo gjithashtu u kërkoi organizatave ndërkombëtare dhe qeverive ta “mbajnë Izraelin përgjegjës duke ndërmarrë veprime ligjore në gjykatat ndërkombëtare dhe t’i bëjnë presion Tel Avivit për të ndaluar gjenocidin në vazhdim në Gaza”.
Izraeli nisi një luftë gjenocidale ndaj Rripin e Gazës pas sulmit ndërkufitar nga grupi palestinez Hamas në tetor të vitit të kaluar, duke vrarë të paktën 44 mijë njerëz, shumica prej tyre gra dhe fëmijë, si dhe duke plagosur mbi 104 mijë të tjerë.
Tashmë në vitin e dytë, gjenocidit në Gaza ka tërhequr një dënim ndërkombëtare në rritje, me zyrtarë dhe institucione që i etiketojnë sulmet dhe bllokimin e dërgesave të ndihmave në enklavë si një përpjekje të qëllimshme për të shkatërruar një popullsi.
Të enjten, Gjykata Ndërkombëtare Penale në një lëvizje historike njoftoi se lëshoi urdhërarreste për kryeministrin izraelit, Benjamin Netanyahu dhe ish-ministrin e Mbrojtjes, Yoav Gallant, për krime lufte dhe krime kundër njerëzimit në Gaza.
Izraeli gjithashtu përballet me një çështje gjenocidi në Gjykatën Ndërkombëtare të Drejtësisë për luftën vdekjeprurëse në Gaza.
