Deputetja e Kuvendit të Kosovës, Donika Kadaj Bujupi është rikthyer në Aleancën për Ardhmërinë e Kosovës, shkruan Periskopi.
Lajmin për këtë vendim të papritur të ish-deputetes së Vetëvendosjes, e bëri të ditur vetë kryeministri Ramush Haradinaj.
“Me deputeten e Kuvendit, Donika Kadaj-Bujupi, bashkëbiseduam për zhvillimet aktuale politike në Kosovë. Nga sot, Donika i rikthehet Grupit Parlamentar të Aleancës për Ardhmërinë e Kosovës. Rrugëtimin nëpër proceset politike në vend do ta vazhdojmë bashkërisht”, ka shkruar kreu i AAK-së në Facebook.
Pas publikimit të fotografisë nga Haradinaj, në rrjetet sociale kanë nisur talljet me të, siç shihet në fotografitë e mëposhtme.
