Është përfshirë nga zjarri ndërtesa e Trump Tower në New York, ku ndodhet edhe shtëpia dhe zyret e presidentit të SHBA-ve Donald Trump, raporton Anadolu Agency (AA).
Zjarri ka shpërthyer në një apartament në katin e 50-të të ndërtesës.
Policia e New Yorkut njofton se një person 67 vjeçar, i cili është nxjerrë nga ndërtesa dhe është dërguar në spital, përkundër ndërhyrjeve nuk ka arritur të mbijetojë.
Rrugët përreth Trump Tower u mbyllën për trafikun për shkak të zjarrit. Ekipet zjarrfikëse prej rreth 200 personash të cilat u dërguan në vendngjarje për një kohë të shkurtër e vënë zjarrin nën kontroll.
Departamenti i Zjarrfikësve në New York njofton se si pasojë e zjarrit janë plagosur lehtë 4 zjarrfikës.
Presidenti amerikan Trump në një deklaratë nga rrjeti social Twitter lidhur me ngjarjen tha se zjarri është vënë nën kontroll dhe ka falënderuar zjarrfikësit.
