Kryeministri izraelit, Benjamin Netanyahu, është nisur për në Hungari pavarësisht thirrjeve që vendi i Europës Qendrore dhe kryeministri i tij, Viktor Orbán, të respektojnë urdhrin e arrestit të lëshuar nga Gjykata Ndërkombëtare Penale (ICC).
Pas Amnesty International, Human Rights Watch dhe organizatave të tjera, edhe Këshilli për Marrëdhëniet Amerikano-Islamike (CAIR) ka dënuar Hungarinë për pritjen e Netanyahut.
Netanyahu, së bashku me ish-ministrin e Mbrojtjes, Yoav Gallant, është i kërkuar nga ICC për krime lufte, duke përfshirë urinë e qëllimshme të palestinezëve dhe krime kundër njerëzimit, përfshirë vrasjen masive të civilëve.
Hungaria është anëtare e ICC-së, por ka refuzuar thirrjet për arrestimin e Netanyahut. Madje, ka pasur sugjerime se vendi mund të largohet nga ky organ ndërkombëtar.
