Kryeministri izraelit Benjamin Netanyahu ka zhvilluar një telefonatë me homologun e tij indian, Narendra Modi, për të shprehur ngushëllimet e tij lidhur me sulmin e fundit në Kashmir, bëri të ditur zyra e Netanyahut në një deklaratë zyrtare.
“Modi e falënderoi për ndarjen e dhimbjes me popullin indian dhe theksoi se të dy vendet qëndrojnë krah për krah në fushatën globale kundër terrorizmit vrasës,” thuhet në deklaratë.
Marrëdhëniet midis Izraelit dhe Indisë janë forcuar ndjeshëm gjatë udhëheqjes së Netanyahut dhe Modit, me bashkëpunim të zgjeruar në fushat ekonomike dhe të sigurisë.
Vitin e kaluar, u raportua se armë ishin transportuar nga India drejt Izraelit gjatë luftës së Izraelit në Gaza, duke theksuar më tej natyrën strategjike të lidhjeve mes dy vendeve.
