Kryeministri izraelit, Benjamin Netanyahu, ka refuzuar një kërkesë nga ekipi i tij negociator për të zgjeruar mandatin e tij, i cili do të kishte mundësuar përparim në një marrëveshje për shkëmbimin e të burgosurve me Hamasin, transmeton Anadolu.
Siç raportojnë mediat lokale dhe liderëve të opozitës, negociatorët izraelitë për muaj të tërë kanë shprehur zhgënjimin për mandatin e kufizuar të dhënë nga Netanyahu. Ky kufizim thuhet se ka penguar negociatat indirekte me Hamasin.
Sipas të përditshmes ‘Yedioth Ahronoth’, Netanyahu u takua me ekipin negociator në fillim të kësaj jave.
Gazeta izraelite tha se si Netanyahu ashtu edhe ministri i Mbrojtjes, Israel Katz, hodhën poshtë propozimet nga udhëheqësit e ekipit për të zgjeruar mandatin e tyre për negocimin e një marrëveshjeje për të rimarrë pengjet izraelite në Gaza. Ekipi “kërkoi të zgjerojë parametrat në mënyrë që të zhvillojë negociata dhe të lidhë çështjen me përfundimin e luftës”.
Netanyahu këmbëngul në mbajtjen e kontrollit të zonave strategjike në Gaza, duke përfshirë korridoret Nitzarim dhe Filadelfia, respektivisht vendkalimin Rafah, si dhe kundërshton ndalimin e operacioneve ushtarake si pjesë e çdo marrëveshjeje të shkëmbimit të të burgosurve. Hamasi, nga ana tjetër, kërkon përfundimin e luftës dhe tërheqjen e plotë të forcave izraelite.
Gjatë takimit, shefi i Mossad-it, David Barnea dhe gjeneralmajori Nitzan Alon, përfaqësuesi i ushtrisë në negociata, kërkuan “më shumë hapësirë për të zhvilluar negociatat”.
Ata paralajmëruan se pa hapësirë shtesë për manovrim në terma, nuk është e mundur të ecin përpara.
Burime të paidentifikuara të cituara nga gazeta pretenduan se Netanyahu, me mbështetjen e gjeneralmajorit Katz, e mohoi kërkesën.
“Fatkeqësisht, në të vërtetë nuk ka negociata dhe gjithçka po shpërbëhet. Ne po flasim me veten tonë, nuk ka përparim”, thanë burimet.
Duke iu përgjigjur një kërkese për koment, zyra e Netanyahu-t hodhi poshtë raportin si “një rrjedhje e rreme dhe e njëanshme”, duke pretenduar se qëllimi i tij ishte “të nënshtrojë Izraelin që të pranojë kërkesat e Hamasit”.
Izraeli ka vrarë rreth 44 mijë njerëz në Gaza që nga inkursioni ndërkufitar i Hamasit që sipas Tel Avivit mori rreth 1.200 jetë njerëzish dhe rreth 250 u morën peng.
Izraeli vlerëson se rreth 101 pengje ende mbahen nga Hamasi në Gaza, disa prej të cilëve besohet se janë vrarë tashmë nga sulmet ajrore izraelite pa dallim në të gjithë enklavën me popullsi të dendur.
Përpjekjet ndërmjetësuese të udhëhequra nga SHBA-ja, Egjipti dhe Katari deri më tani kanë dështuar në arritjen e armëpushimit dhe marrëveshjen e shkëmbimit të të burgosurve dhe bisedimet janë bllokuar prej muajsh.
