Ministria e Jashtme palestineze të dielën akuzoi kryeministrin izraelit Benjamin Netanyahu për tentimin për të ndezur situatën në Kudsin Lindor të okupuar për të shpëtuar karrierën e tij politike, raporton Anadolu Agency (AA).
Netanyahu po përpiqet të “pengojë formimin e të ashtuquajturës qeveri e “ndryshimit” në Izrael duke hedhur në erë situatën në Kuds dhe duke përshkallëzuar agresionin kundër vendeve të tij të shenjta dhe qytetarëve”, tha ministria në një deklaratë.
Të dielën, policia izraelite arrestoi aktivisten palestineze Muna al-Kurd në një bastisje në shtëpinë e saj në lagjen Sheikh Jarrah në Kudsin Lindor. Vëllai i saj gjithashtu u dorëzua në polici, disa orë pas bastisjes.
Kjo erdhi derisa grupet izraelite të ekstremit të djathtë po planifikojnë një marshim flamuri të enjten përmes Portës së Damaskut të Qytetit të Vjetër në Kudsin Lindor, një lëvizje që pritet të shkaktojë tensione me palestinezët.
Ministria tha se Netanyahu kërkon të nënvizojë qeverinë e ardhshme izraelite duke krijuar tensione në Kudsin Lindor dhe duke shkaktuar reagime të forta nga palestinezët dhe në të gjithë rajonin.
Po ashtu paralajmëroi kundër “minimit të përpjekjeve ndërkombëtare dhe rajonale që synojnë konsolidimin e armëpushimit dhe ndalimin e agresionit të vazhdueshëm kundër” palestinezëve. /aa
