Për qetësimin e dhimbjeve, të gjithë vrapojnë drejt qetësuesve si ibuprofeni, por në të shumtën e rasteve pa përshkrim mjekësor.
Por ekziston një numër gjithnjë në rritje i të dhënave që sugjerojnë se ndoshta qetësuesit më të njohur, pa recetë, vrasësit e dhimbjeve të njohura si medikamente anti-inflamatore jo steroide, ose NSAID (ku përfshihet edhe ibuprofeni), mund të kenë efekte anësore shumë negative.
Në studimin e fundit mbi medikamentet, të botuar në Gazetën Amerikane të Epidemiologjisë, studiuesit e udhëhequr nga Dr. Gary Curhan në Brigam dhe në Spitalin e Grave, raportojnë se tek gratë, përdorimi i rregullt afatgjatë i NSAID analgjezik lidhet me rrezikun e humbjes së dëgjimit.
Duke analizuar të dhënat e grumbulluara nga më shumë se 55,000 gra, në Studimin e Shëndetit të Infermierëve, u zbulua se personat që raportuan përdorimin e një NSAID si ibuprofen ose acetaminophen për më shumë se gjashtë vjet, evidentonin rrezik 9% deri 10% më të lartë të humbjes së dëgjimit më shumë se një dekadë më vonë.
Ata që përdorën aspirinë nuk kanë treguar probleme të ngjashme me dëgjimin. (Gratë iu përgjigjën pyetjeve rreth NSAID-it ose aspirinave çdo dy vjet.)
Këto studime kanë çuar në ngritjen e shumë pyetjeve në lidhje me sigurinë afatgjatë të ilaçeve pa recetë. Nëse një medikament përdoret si i drejtuar – për lehtësim të rastit, afatshkurtër të dhimbjes – barnat janë relativisht të sigurta.
Por në rastet kur ato nuk janë të udhëzuara, çdo gjë ndryshon.
Shumë njerëz i marrin ato në mënyrë rutinore për të trajtuar gjëra të tilla si dhimbje koke të përsëritura, në vend që të trajtojnë shkakun rrënjësor të dhimbjes./Mesazhi/
