Kryesia e Bashkësisë Islame të Kosovës në bashkëpunim me Agjencinë Turke për Zhvillim TIKA, sot kanë nënshkruar marrëveshjen për fillimin e punimeve të restaurimit të Xhamisë së Çarshisë në Prishtinë, e cila vije pas përfundimit të hartimit të projektit restaurues dhe marrjes së të gjitha lejeve përkatëse nga institucionet e vendit.
Kryeimami Sahiti falënderoi kordinatorin e TIKA-s, z.Cihan Dinçer për kontributin e institucionit që drejton në ruajtjen dhe mbrojtjen e trashëgimisë kulturore islame në Kosovë, dhe theksoi se Bashkësia Islame e Kosovës është jetësisht e përkushtuar në mbrojtjen dhe ruajtjen e trashëgimisë islame.
Nga ana e tij, kordinatori Dinçer falënderoi kryeimamin për bashkëpunimin në fushën e trashëgimisë islame në përgjithësi, e në veçanti në realizimin e këtij projekti kaq domethënës për Kosovën.
