Të paktën 12 palestinezë u vranë në sulmet ushtarake izraelite në qytetin Khan Younis në jug të Rripit të Gazës, në ditën e dytë të Fitër Bajramit, transmeton Anadolu.
Ushtria izraelite vazhdon sulmet e saj të dhunshme që shënjestrojnë Rripin e Gazës edhe gjatë festës së Fitër Bajramit.
Sipas agjencisë palestineze të lajmeve WAFA, ushtria izraelite bombardoi shtëpinë që i përket familjes Mikdad në kampin Khan Younis në qytetin Khan Younis.
Në sulm humbën jetën katër palestinezë dhe shumë të tjerë u plagosën.
Gjithashtu dy palestinezë humbën jetën si pasojë e shënjestrimit nga ushtria izraelite të shtëpisë së familjes An-Najjar në zonën Abasan al-Kabira të qytetit.
Gjashtë persona u vranë si pasojë e bombardimit të ushtria izraelite gjatë natës ndaj shtëpisë së palestinezit të quajtur Kamal Muammar në qendër të Khan Younis.
Kujtojmë se të paktën 33 palestinezë u vranë në sulmet që ushtria izraelite kreu dje në Gaza, në ditën e parë të Fitër Bajramit.
