Jordania hapi sot diskutimet për Sirinë, duke mbledhur ministra të jashtëm dhe zyrtarë të lartë për të biseduar mbi zhvillimet pas rënies së regjimit të Bashar Asadit, raporton Anadolu.
Jordania, e cila ndan një kufi me Sirinë, po organizon diskutimet në qytetin Akaba të Detit të Kuq, si pjesë e përpjekjeve për të nxitur stabilitetin rajonal dhe bashkëpunimin ndërkombëtar pas rënies së regjimit të Asadit.
Përveç delegacioneve arabe, në diskutime do të marrin pjesë edhe ministri i Jashtëm turk Hakan Fidan, sekretari amerikan i shtetit Antony Blinken, shefja e politikës së jashtme të BE-së Kaja Kallas dhe i dërguari i posaçëm i OKB-së për Sirinë Geir Pedersen.
Assad, udhëheqësi i Sirisë për gati 25 vjet, iku në Rusi pasi grupet kundër regjimit morën kontrollin e Damaskut më 8 dhjetor, duke i dhënë fund regjimit të Partisë Baath, e cila kishte qenë në pushtet në Siri që nga viti 1963.
