Ndeshja Spanjë – Kosovë zhvillohet në stadiumin e Sevillas

Federata e Kombëtares së Spanjës ka konfirmuar stadiumin ku do zhvillohet përballja me Kosovën.

Kosova është në grupin B në kualifikimet për Botëror, derisa në ndeshjen e parë do takohen me Suedinë, pastaj janë mysafirë i Spanjës, shkruan lajmi.net.

Flitej që ndeshja mes Spanjës dhe Kosovës të zhvillohet në një terren neutral ngase dy shtetet nuk njihen.

Mirëpo, Federata e Spanjës ka konfirmuar se ndeshja me Kosovën do zhvillohet në stadiumin e Sevillas “La Cartuja”.