Ka ndërruar jetë në mëngjesin e sotëm profesori universitar dhe njohësi i së drejtës, Riza Smaka. Profesori i njohur, ka qenë edhe deputet në Kuvendin e Republikës së Kosovës nga viti 2008 deri në vitin 2011.
Smaka ishte anëtar i Komisionit për hartimin e Kushtetutës së Republikës së Kosovës. Po ashtu, profesor Smaka ishte një nga nënshkruesit e Deklaratës së Pavarësisë së Kosovës.
Smaka ka lindur në Rugovë të Pejës, më 1943. Diplomoi në Fakultetin Juridik më 1971, pastaj e kreu provimin e jurisprudencës, ku magjistroi më (1979 ) dhe doktoroi më 1987.
Veç statusit si profesor universitar, profesori Smaka ka ushtruar edhe shumë funksione të tjera të larta shtetërore.
