َ”Të Allahut jemi dhe tek Ai do të kthehemi!”
Njoftojmë kolegët, miqtë dhe opinionin e gjerë se sot, më 15 janar, ndërroi jetë ish-imami i xhamisë së fshatit Pagarushë të Malishevës, Vehbi ef. Kryeziu.
Varrimi i rahmetliut u bë sot, më 15 janar 2023, në orën 15:00, në varrezat e fshatit Pagarushë.
Zoti e mëshiroftë dhe e shpërbleftë me Xhenetin Firdeus!
Biografi e shkurtër
Vehbi ef. Kryeziu lindi më 11 maj 1949, në fshatin Pagarushë. Shkollën fillore katërvjeçare e përfundoi në fshatin e lindjes dhe katër të tjera i përfundoi në Carrallukë. Më pas vazhdoi shkollimin në medresenë e mesme “Alaudin” në Prishtinë.
Nga viti 1975 e deri më 2014 ka shërbyer si imam e mualim në fshatin e tij të lindjes në Pagarushë. Mirëpo me kërkesën e xhematit, ai vazhdoi detyrën e imamit deri në vitin 2019.
Përkundër periudhës së vështirë që ishte asokohe si në anën kombëtare edhe atë ekonomike, ai kishte forcë dhe vullnet që të angazhohej për ngritjen e fjalës së Zotit dhe ta brymoste popullin me vetëdijen kombëtare. Shquhej për pasionin që kishte për dituritë e mësimet fetare, madje hulumtimet e leximet e tij nuk i ndali deri në ditët e fundit të jetës së tij. Sinqeriteti në fjalë e punë, ishte virtyti që e dallonte nga të tjerët. /bislame
