Për shekuj me radhë, njerëzit kanë agjëruar për arsye të ndryshme, duke përfituar në aspektin mendor, fizik dhe shpirtëror. Pesë nga përfitimet më të rëndësishme të agjërimit janë:
- Autofagia – Riparimi dhe jetëgjatësia e qelizave
Agjërimi aktivizon mekanizmat natyrorë të trupit, duke nisur një proces të quajtur autofagi (vetëushqyerje), i cili shpërbën dhe riciklon toksinat si dhe qelizat e dëmtuara. Ky proces ndihmon në rigjallërimin qelizor, ngadalëson plakjen dhe redukton rrezikun e sëmundjeve si Alzheimeri. - Zbërthimi i yndyrnave të dëmshme dhe balancimi i peshës trupore
Agjërimi stimulon metabolizmin dhe ul në mënyrë natyrale marrjen e kalorive të tepërta. Humbja efektive e peshës ndodh kur organizmi kalon nga djegia e glukozës në djegien e rezervave të yndyrës (procesi i ketozës). - Reduktimi i inflamacionit dhe vetëshërimi
Sëmundjet kronike si diabeti, sëmundjet e zemrës dhe kanceri lidhen me inflamacionin e vazhdueshëm. Agjërimi i kontrolluar dhe i monitoruar nga profesionistët shëndetësorë ndihmon në uljen e këtij procesi dhe përmirëson aftësinë e trupit për t’u vetëshëruar. Gjithashtu, ai lejon trupin të përqendrohet te rigjenerimi, duke i dhënë sistemit tretës një pushim të nevojshëm. - Rritja e inteligjencës dhe vigjilencës mendore
Gjatë agjërimit, rritet prodhimi i BDNF (Faktori neurotrofik i trurit), i cili përmirëson të nxënit, kujtesën dhe përqendrimin. Gjithashtu, stabilizon nivelin e sheqerit në gjak, duke reduktuar luhatjet impulsive të humorit dhe duke nxitur një gjendje mendore më të qëndrueshme dhe optimiste. - Qëndrueshmëria emocionale dhe shpirtërore
Agjërimi është një praktikë e njohur në shumë kultura dhe tradita shpirtërore, duke ndihmuar në kultivimin e qetësisë së brendshme, vetëdisiplinës dhe përkushtimit. Përveç përfitimeve fizike, ai ndihmon në zhvillimin personal, duke çliruar njeriun nga varësitë emocionale dhe duke promovuar vetëkontrollin.
Dr. Rrahman Ferizi
