Regjisori dhe aktori Britanik Andrew Serkins e merr “Librin e Xhunglës”, dhe me të ndërton një version të fortë dhe të errët, duke i qëndruar besnik përmbajtjes së veprës së Rudyard Kipling.
Ky film ka hyrë në histori si film vizatimor, i prodhuar nga Disney në vitin 1967, me kolonën e tij zanore dhe personazhet e adhurueshëm, duke fituar zemrat e miliona spektatorëve në të gjithë botën.
Kafshët tek subjekti i Mowglit janë rindërtuar. Christian Bale luan panterën “Bagheera”, Benedict Cumberbatch është tigri i keq “Shere Khan”, Cate Blanchett luan gjarprin “Kaa”, Peter Mullan është “Akela” kryetari i grupit të ujqërve, ndërsa ariun Baloo e luan vetë Andrew Serkins.
Kemi të bëjmë me një subjekt ku kafshët janë të ngarkuara me përmbajtje simbolike. Dhe në film, takimet e Mowglit përfaqësojnë herë pas here hapa që e komplikojnë udhëtimin drejt vetëdijes dhe pjekurisë.
Në film, ujku që kujdeset vazhdimisht për Mowglin, i thotë djalit të vogël: “Kemi frikë ndaj asaj që mund të na bëjë njeriu”. Ndërsa Pantera i mëson djalit që “asnjë botë nuk është e drejtë”.
Në filmin që do të shfaqet në muajt e parë të 2019-ës, krahas shumë surprizave, mbetet të zbulohet se cilën botë do të zgjedhë Mowgli, atë të njerëzve apo të kafshëve.
