Ministria e Shëndetësisë në Gaza ka dënuar ashpër vrasjen e punonjësve të shëndetësisë, duke e cilësuar atë si një krim të tmerrshëm.
Deklarata vjen pasi Shoqata e Gjysmëhënës së Kuqe Palestineze (PRCS) konfirmoi se ka gjetur trupat e 14 punonjësve të Mbrojtjes Civile dhe të shëndetësisë në Rafah, përfshirë pesë punonjës të Mbrojtjes Civile dhe një punonjës të OKB-së.
Sipas ministrisë, trupat e tetë paramedikëve u gjetën sot, pasi kontaktet me ta ishin humbur për disa ditë.
“Disa nga trupat u gjetën të lidhur dhe të qëlluar në gjoks, ndërsa ishin varrosur në një gropë të thellë për të fshehur identitetin e tyre,” thuhet në deklaratë.
Ministria u bëri thirrje OKB-së dhe organizatave ndërkombëtare të nisin një hetim të menjëhershëm dhe të mbajnë Izraelin përgjegjës për këto krime. /mesazhi
