Kryeprokurori i Shtetit, Aleksandër Lumezi, ka thënë se ende nuk ka vendim zyrtar për nisjen e hetimeve kundër ministrit të Bujqësisë, Nenad Rikalo.
Ai këto komente i bëri pas takimit që pati me ministrin e Drejtësisë, Abelard Tahiri, me të cilin ka biseduar për prioritetet e kësaj ministrie, plotësimet-ndryshimet në kodin penal dhe rishikimin e legjislacionit që ndërlidhet me konfiskimin e pasurisë.
Ndërkohë, ka pasur akuza nga qytetarët e Prishtinës se ministri Rikalo gjatë luftës ka torturuar dhe maltretuar ata, kryeprokurori Lumezi tha se janë duke mbledhur informacione, pas të cilave do të vendosin për fillimin e hetimeve zyrtare.
