Milani ka pësuar në shtëpi ndaj Udineses me rezultat 1-0 në kuadër të xhiros së 11-të të Serie A.
Pjesa e parë ishte shumë e dobët, me Udinesen që kishte një rast me Roberto Pereyran.
Me të filluar pjesa e dytë, Noah Okafor i futur në lojë shënoi, por goli u anulua.
Në minutën e 61-të, Udinese fitoi penallti, ku nga pika e bardhë shënoi Pereyra për 1-0.
Milani kishte rast të barazonte në kohën shtesë, por gjuajtja e Olivier Giroud u prit nga Marco Silvestri.
Milani mbetet në vendin e tretë me 22 pikë dhe kjo ishte ndeshja e tretë pa fitore, ku ka dy humbje dhe një barazim.
