Menaxheri i Joshuas shpjegon gjithçka, Fury ose Wilder të bëhen gati

Anthony Joshua do të ngjitet në ring me 13 prill në “Wembley” mirëpo kundërshtari i tij ende nuk është përcaktuar. Kampioni në fuqi mund të përballet me Tyson Fury ose Deontay Wilder varësisht nga revanshi i këtyre dyve, shkruan Indeksonline. Eddie Hearn ka shpjeguar saktësisht se si Fury ose Wilder mund të arrijnë një ndarje 50/50 fitimin me kampionin e IBF, WBO dhe WBA. “Tyson Furyt iu bë një ofertë financiare, jo një ofertë e ndarë, sepse kjo është ajo që ai kërkoi,” u tha Hearn gazetarëve në Nju Jork, sipas talkSPORT. “Nëse dëshiron një ndarje dhe dëshiron 60/40, kjo mund të diskutohet absolutisht”. “50/50 nuk mund të ndodh tani për këtë luftë, ju keni një kampion botëror të katër rripave kundër një sfiduesi”. “Ne e respektojmë Tyson Fury, e vlerësojmë atë si një luftëtar, nuk bëhet fjalë për mosrespektim, është vetëm për biznes”. “Nëse mposht Deontay Wilder në revansh, ka një shans shumë të mirë që ai do të marrë atë luftë 50/50”. “Nuk do të ketë përmirësime të ofruara në këtë moment nga 60/40 për Wilder ose Fury.”