Mekke: Zëvendësohet mbulesa e Qabes

Qabeja mbështillet në një Kiswah të re çdo vit për shkak të shenjtërisë së ndërtesës.

Rituali vjetor i ndërrimit të Kisvasë (Ghilaf-e-Kaaba) u zhvillua në datën 30 Dhul-Hixhe të martën, më 18 korrik, pas namazit të jacisë që përkon me fillimin e vitit të ri islam, 1445 hixhri.

Rreth 200 teknikë dhe zejtarë morrën pjesë në zakonin vjetor nën mbikëqyrjen e kreut të presidencës Sheikh Abdulrahman Al-Sudais.

Në kalendarin islamik, instalimi i Kiswas së re është një ngjarje e rëndësishme.

Qabeja mbështillet në një Kiswah të re çdo vit për shkak të shenjtërisë së ndërtesës. Organizata të ndryshme bamirëse në mbarë botën marrin Kiswan e vjetër.

Çdo vit, procesi i ndërrimit të Kiswas së re mbahej më 9 Dhul-Hixhe mirëpo tani kjo ngjarje u zhvendos në ditën e parë të muajit Muharrem që nga viti i kaluar.

Rreth Kiswas

Termi Kiswah në arabisht do të thotë veshje e bërë për të mbuluar trupin, por përdoret gjithashtu si term për mbulesën e mëndafshtë të Qabes.

Kiswah ka parë ndryshime të vazhdueshme gjatë shekujve. Ajo ishte e mbuluar një herë me të kuqe, një herë në të bardhë, një herë në jeshile dhe aktualisht me të zezë.

Veshja 14 metra e gjatë është prej mëndafshi me cilësi të lartë dhe përmban vargje të shenjta të Kuranit të thurura në modelin e saj me fije ari dhe argjendi. Ajo mbulon një sipërfaqe prej rreth 658 m2 dhe kërkon rreth 137 punëtorë dhe tetë muaj punë të palodhur për përfundimin e saj. Mbulesa peshon rreth 670 kg dhe përdor 15 kg fije ari.

Në të tretën e sipërme të saj gjendet një brez 95 centimetra i gjerë dhe 47 metra i gjatë. Nën brez janë të shkruara ajete kuranore, secila prej tyre brenda një kornize të veçantë, dhe në intervalet ndërmjet tyre ka një formë llambë mbi të cilën shkruhet “O i gjallë, o Kajum”, “Oh, i Mëshirshmi. O Mëshirues.” “Falënderimi i takon Allahut, Zotit të botëve.”

Kiswah gjithashtu ka një pjesë të rripit që mbështillet rreth saj për ta mbajtur atë në vend. Me përmasa 46 metra gjatësi dhe 95 cm gjerësi, është bërë nga 16 copa dhe gjithashtu është i qëndisur me ajete Kur’anore.

Kiswah përfshin një perde për derën e Qabesë. Perdja e qëndisur në derën e Qabesë u vendos në portën e Qabes në vitin 819 hixhri.

Kiswah u prodhua në Egjipt, por në vitin 1927 mbreti Abdulaziz urdhëroi që Kiswah të prodhohej në Mekë.

Që nga viti 1958 Kiswah është prodhuar në Mekke Al Mukarramah.

Përafërsisht një milion rijalë janë shpenzuar për përgatitjen e Mbulesës së Qabes (Ghilaf-e-Kaaba) nga dhjetëra ekspertë të endjes në një fabrikë të veçantë të përkushtuar ekskluzivisht për prodhimin e saj.

Seksioni i qepjes përfshin makinën qepëse më të gjatë në botë me një gjatësi prej 16 metrash dhe mundësohet nga një sistem kompjuterik. /mesazhi