Samsung Electronics ka prezantuar modalitetin e ri, Bllokuesi Auto , një opsion të ri sigurie për përdoruesit e Samsung Galaxy i krijuar për të mbajtur pajisjet të mbrojtura, duke u përshtatur më së miri stilit të tyre të jetesës.
I prezantuar së fundmi softueri One UI 6, si pjesë e inovacioneve të sigurisë dhe privatësisë të Samsung Galaxy, Bllokuesi Auto është një paketë e shtuar e masave të sigurisë që u jep përdoruesve më shumë zgjedhje ndërsa eksplorojnë personalizimet e mundësuara nga ekosistemi i Samsung Galaxy.
Vendosja e zgjedhjes në duart e përdoruesve
“Në Samsung ne vazhdimisht përpiqemi t’i mbajmë përdoruesit tanë të sigurt nga sulmet ndaj sigurisë dhe me prezantimin e Bllokuesit Auto përdoruesit mund të vazhdojnë të shijojnë përfitimet e ekosistemit tonë, duke e ditur që përvoja e tyre celulare është e sigurt,” tha Dr. Seungwon Shin, EVP. & Shef i Ekipit të Sigurisë, Business Experience Mobile në Samsung Electronics. “Ne gjithmonë kërkojmë t’iu mundësojmë përdoruesit tanë që të zgjedhin vetë atë që i përshtatet më mirë nevojave të tyre – në vend që ne të vendosim në emër të tyre, dhe Bllokuesi Auto nuk bën përjashtim nga kjo.”
Një nga veçoritë e modalitetit Bllokuesi Auto është parandalimi i instalimeve të aplikacioneve nga burime [1]të paautorizuara, të njohura. Ka shumë përfitime nga ngarkimi i qëllimshëm anësor, të tilla si personalizimi i përmirësuar dhe kontrolli mbi funksionalitetin e një pajisjeje. Ata që duan të ngarkojnë në mënyrë të sigurt anësore nuk do të përjetojnë asnjë ndryshim pasi funksioni është joaktiv si parazgjedhje. Për ata që nuk e kanë zakonin e ngarkimit anash ose personalizimit të gjerë, aktivizimi i Bllokuesit Auto mund të sigurojë qetësi shtesë duke penguar rritjen e sulmeve të inxhinierisë sociale si phishing zanor, ku sulmuesit mund t’i shtyjnë përdoruesit të instalojnë softuer me qëllim të keq.
Bllokuesi Auto ka një sërë nivele sigurie shtesë, duke përfshirë aktivizimin e kontrolleve të sigurisë [2]së aplikacioneve për të ndihmuar në zbulimin e malware të mundshëm dhe për të parandaluar komandat e dëmshme dhe instalimet e softuerit nga kablloja USB. Kjo mund të ndihmojë në mbrojtjen e përdoruesve në një situatë ku dikush ka akses fizik në pajisjen e tij, si p.sh. kur karikon një telefon në një aeroport.
Me këtë veçori vjen edhe një përditësim i opsionit për Mbrojtje app-esh të mesazhimit, i cili eliminon sulmet Zero Click ose mesazhet e drejtpërdrejta të imazhit që fshehin kodet e paautorizuara. Fillimisht i lançuar për aplikacionet e mesazheve nga Google dhe Samsung, tani mund të ndihmojë në mbrojtjen e përdoruesve duke përdorur aplikacione të njohura të palëve të treta[3]. Në këtë mënyrë, përdoruesit kanë mundësi zgjedhje më të madhe mbi aplikacionet që mund të përdorin në mënyrë të sigurt.
Standarde të reja sigurie
Samsung ofron për përdoruesit Galaxy një përvojë më të sigurt celulare dhe Bllokuesi Auto e çon këtë një hap më tej, duke i lejuar përdoruesit të kontrollojnë pajisjen e tyre sipas mënyrës së tyre. Si funksioni më i fundit që i shtohet paketës së inovacioneve të sigurisë dhe privatësisë së Samsung, Bllokuesi Auto
optimizon më tej përvojën celulare për përdoruesit në të gjithë ekosistemin Galaxy. Për më tepër, Bllokuesi Auto është i disponueshëm në pajisjet Samsung Galaxy me softuerin One UI 6.
Rreth Samsung Electronics
Samsung frymëzon botën dhe modelon të ardhmen me idetë dhe teknologjitë e tij transformuese.
Kompania po ridimensionon botën e televizorëve, smartfonëve, aksesorëve, tabletave, aparateve
digjitale, sistemeve të rrjetëzimit dhe memorieve, sistemeve LSI, zgjidhjeve teknologjike dhe LED.
