Zyra e Medias e Qeverisë së Gazës ka njoftuar se mbi 65,000 raste të kequshqyerjes akute janë regjistruar mes 1.1 milion fëmijëve në Rripin e Gazës.
Në një deklaratë në Telegram, zyra tha se sulmet e Izraelit mbi Gazën dhe bllokada totale në fuqi kanë çuar në një “përkeqësim katastrofik të kushteve shëndetësore dhe rritje alarmante të rasteve të kequshqyerjes akute, veçanërisht tek fëmijët dhe foshnjat”.
Deklarata e dënoi Izraelin për “përdorimin e urisë dhe etjes si armë lufte sistematike me qëllim shkatërrimin e jetës në Rripin e Gazës, në shkelje flagrante të të gjitha ligjeve dhe normave ndërkombëtare dhe humanitare”.
Qeveria e Gazës gjithashtu i bëri thirrje komunitetit ndërkombëtar të ndërhyjë urgjentisht për të mbajtur Izraelin përgjegjës dhe për të ndihmuar në zbutjen e krizës humanitare.
