Ushtria izraelite ka zhdukur mbi 1.400 familje palestineze në Rripin e Gazës, tha të martën Ministria e Shëndetësisë. Deklarata e ministrisë tha se rreth 7.160 masakra ishin kryer kundër familjeve palestineze nga ushtria izraelite në Gaza që nga 7 tetori 2023.
Izraeli “zhduku plotësisht rreth 1.410 familje, që numëronin 5.444 persona, nga regjistri civil gjatë së njëjtës periudhë,” shtoi Ministria.
Ministria tha se familjet me vetëm një të mbijetuar ishin 3.463 dhe familjet me më shumë se një të mbijetuar ishin 2.287.
Izraeli ka nisur një luftë gjenocidale në Rripin e Gazës pas një sulmi të Hamasit vitin e kaluar, duke vrarë më shumë se 44.230 njerëz, shumica prej tyre gra dhe fëmijë, si dhe duke plagosur mbi 104.600.
Viti i dytë i gjenocidit në Gaza ka tërhequr një dënim ndërkombëtar në rritje, me figura dhe institucione që i etiketojnë sulmet dhe bllokimin e dërgesave të ndihmave si një përpjekje të qëllimshme për të shkatërruar një popullsi.
Të enjten, Gjykata Ndërkombëtare Penale (GjNP) lëshoi urdhërarreste për kryeministrin izraelit Benjamin Netanyahu dhe ish-ministrin e tij të mbrojtjes Yoav Gallant për krime lufte dhe krime kundër njerëzimit në Gaza.
Izraeli gjithashtu përballet me një lëndë të gjenocidit në Gjykatën Ndërkombëtare të Drejtësisë për luftën e tij brutale ndaj Gazës.
