Skuadra e Galatasarayt mbrëmë ka shënuar fitore ndaj Tottenham Hotspur në UEFA Europa League, por kjo fitore zbehet për shkak të lëndimit të Mauro Icardit.
Sulmuesi argjentinas u largua nga fusha me barrelë dhe sot është mësuar se ka këputur ligamentet e gjurit, shkruan Indeksonline
Icardi pritet t’i nënshtrohet operacioni dhe tashmë e ka humbur sezonin aktual 2024/25.
31-vjeçari ishte, duke shkëlqyer me fanellën e Galatasarayt këtë edicion, pasi shënoi katër gola dhe bëri një asist në shtatë ndeshje në Superligën e Turqisë.
Por, skuadra e Galata-s është me fat që tashmë në fazën e sulmit e ka dyshen e njohur, Michy Batshuayi dhe Victor Osimhen.
