Përballë pandemisë dhe pasojave të saj ekonomike dhe sociale, BE -ja ka demonstruar një kapacitet reagimi efektiv dhe në kohë. Veprimet e ndërmarra, si në fushën e fushatave të vaksinimit, ashtu edhe në mbështetje të krizave sociale dhe të rimëkëmbjes ekonomike, konfirmojnë zgjedhjet e duhura të operuara në drejtim të sovranitetit të përbashkët në nivelin kontinental, deklaroi presidenti italian, Sergio Mattarella.
“Integrimi evropian bën të mundur përdorimin e një mase kritike në nivel ndërkombëtar, në nivel ekonomik në dobi të popujve evropianë”, theksoi presidenti i Republikës, Sergio Mattarella, në një mesazh në forumin Ambrosetti.
“Një angazhim analog duhet të përqendrohet tashmë në kontributin e Bashkimit Evropian në kauzën e paqes, zhvillimit, sigurisë dhe stabilitetit ndërkombëtar. Globalizimi i tregjeve nënkupton që ai ndodh në të njëjtën kohë me përhapjen e të drejtave, në mënyrë që të arrihet plotësisht dinjiteti i njerëzve në çdo cep të botës. Prandaj ekziston nevoja për një politikë të përbashkët të jashtme dhe të sigurisë”, theksoi ai. /atsh
