Maroku ka hyrë në një kontratë fitimprurëse për të blerë satelitë izraelitë të mbikqyrjes me një vlerë prej rreth 1 miliard dollarësh, duke zgjeruar më tej lidhjet midis Rabatit dhe Tel Avivit.
Sipas gazetës, Afrika Ushtarake, javën e kaluar, Maroku nënshkroi një kontratë me kompaninë Izraelite Aerospace Industries (IAI) për furnizimin e dy Ofek 13 – satelitët e rinj të avancuar të zbulimit ushtarak të IAI – për një periudhë pesëvjeçare deri në vitin 2029.
Kontrata për dorëzimin e satelitëve të rinj, e cila ka një vlerë të përllogaritur prej 1 miliard dollarësh, do të zëvendësojë sistemin aktual të vëzhgimit të Marokut të bazuar në teknologjinë e kompanive evropiane, Airbus dhe Thales.
Raporti nga gazeta Afrika Ushtarake më tej duket se konfirmon raportet e mëparshme muajin e kaluar se Rabat kishte zgjedhur IAI si kompani për të zëvendësuar sistemin ekzistues satelitor.
Sateliti Ofek 13, i cili u hodh për herë të parë në orbitë në mars 2023, pretendohet se posedon aftësi precize imazherike edhe në kushte të pafavorshme moti për shkak të përdorimit të radarit me hapje sintetike, si dhe ofron mbikëqyrje si ditën ashtu edhe natën me një rezolucion deri në në 0.5 metra dhe një periudhë orbite sa 90 minuta.
Maroku thuhet se do të përdorë sistemin e ri të mbikëqyrjes satelitore të prodhuar nga Izraeli për një sërë qëllimesh, duke përfshirë monitorimin e kufijve, mbledhjen e inteligjencës kritike dhe zbulimin e kërcënimeve të mundshme.
Është marrëveshja e fundit që Maroku ka arritur me industrinë e mbrojtjes të Izraelit, duke shënuar një hap të ri në bashkëpunimin midis Rabatit dhe Tel Avivit në sektorët ushtarakë dhe teknologjikë.
