Marina e SHBA-së ka bërë të ditur se një avion luftarak amerikan F-18 dhe një mjet rimorkimi nga aeroplanmbajtësja ‘Harry S. Truman’ janë rrëzuar gjatë operimit në Detin e Kuq, transmeton Anadolu.
“Harry S. Truman humbi një F/A-18E Super Hornet të caktuar në Skuadronin e Luftëtarëve Sulmues (VFA) 136 dhe një traktor rimorkimi derisa aeroplanmbajtësja operonte në Detin e Kuq”, njoftoi marina amerikane.
Marina amerikane tha se i gjithë personeli është përfshirë, me një marinar që ka pësuar një lëndim të lehtë.
Marina tha se avioni F-18 ishte “nën rimorkim aktiv në hangarin e anijes kur ekuipazhi i lëvizjes humbi kontrollin e avionit”, duke bërë që avioni dhe mjeti i rimorkimit të dalin jashtë bordit.
“Marinarët që tërhiqnin avionin ndërmorën veprime të menjëhershme për t’u larguar nga avioni përpara se ai të bjerë nga bordi”, njoftoi marina.
Një hetim për incidentin është duke u zhvilluar.
Në njoftim u theksua se “grupi i anijes ajrore Harry S. Truman dhe krahu ajror i anijes mbeten plotësisht të afta për mision”.
