Nënpresidenti i SHBA-së JD Vance administroi betimin për Marco Rubion, teksa ai u betua si Sekretar i Shtetit, transmeton Anadolu.
Rubio, 53 vjeç, u zotua të punojë për të çuar përpara interesin kombëtar të SHBA-së.
“Premtimi kryesor (i presidentit Donald Trump) kur bëhet fjalë për politikën e jashtme është se prioriteti i Departamentit të Shtetit të Shteteve të Bashkuara do të jenë Shtetet e Bashkuara”, tha ai.
“Ne do të punojmë shumë çdo sekondë të ditës për ta ndihmuar atë të arrijë agjendën që populli amerikan i ka dhënë atij për ta arritur”, shtoi Rubio.
Duke folur gjithashtu në spanjisht, Rubio, me prejardhje nga emigrantë kubanë, falënderoi Trumpin për mundësinë.
Rubio mbërriti në Departamentin e Shtetit për të mbajtur fjalimin e tij të parë para punonjësve pasi u betua.
“Është një nder i jashtëzakonshëm dhe privilegj për të shërbyer në këtë rol, të jem këtu, sinqerisht, për të mbikëqyrur trupin diplomatik më të madh, më efektiv, më të talentuar, më me përvojë në historinë e botës, që gjendet në këtë godinë”, tha ai.
Rubio tha se misioni i tij i SHBA-së është të çojë përpara interesin kombëtar.
“Dhe ky do të jetë misioni ynë, kjo do të jetë detyra jonë në mbarë botën, të sigurojmë që të kemi një politikë të jashtme që avancon interesin kombëtar të Shteteve të Bashkuara”, shtoi ai.
SHBA-ja përpiqet të promovojë paqen në mbarë botën, theksoi Rubio.
“Pa paqe, është e vështirë të jesh një komb i fortë, një komb i begatë dhe një komb që është më i mirë se më parë”, tha ai.
