Disa persona janë vrarë në të shtënat që kanë ndodhur pasditen e sotme në Cetinje, në jug të Malit të Zi, transmeton Anadolu.
Radio Televizioni i Malit të Zi njoftoi se të paktën shtatë persona kanë humbur jetën, por ende nuk ka një konfirmim zyrtar lidhur me numrin e viktimave.
Mediat lokale raportuan se të shtënat erdhën si pasojë e një zënke fizike në një kafene, pas së cilës sulmuesi ka përdorur armë zjarri.
“Vrasja e shumëfishtë ndodhi pasdite në një restorant në Bajice kur A.M. hapi zjarr ndaj disa personave”, tha Drejtoria e Policisë.
Policia ka apeluar te qytetarët e Cetinjës që të qëndrojnë të qetë dhe në objektet e tyre të banimit, ndërkohë që të gjitha njësitet policore në dispozicion janë në terren duke ndërmarrë aktivitete në kuadër të juridiksionit të tyre, me qëllim vënien nën kontroll të situatës dhe ndjekjen penale të autorëve.
“Njoftojmë opinionin publik se bëhet fjalë për një ngjarje situative, e cila nuk është pasojë e një konfrontimi mes grupeve të krimit të organizuar me rrezikshmëri të lartë. Për zgjidhjen e kësaj situate krize janë dërguar në terren njësitë speciale të policisë”, thuhet në njoftimin e policisë.
Publikohet fotografia e të dyshuarit për vras’jen e disa personave në Mal të Zi, qëlloi edhe familjarët
Policia publikoi një fotografi të Aco Martinoviqit dhe paralajmëroi se ai ishte i armatosur dhe i rrezikshëm, pas vrasjes së disa personave në Çetinje të Malit të Zi.
Administrata e Policisë ka njoftuar se Martinoviq ka vrarë të paktën katër persona, duke përfshirë edhe anëtarët e familjes së tij, pas së cilës ai është larguar i armatosur nga ndërtesa dhe ka ikur.
Administrata policore ka publikuar një fotografi të Aco Martinoviqit, i dyshuar për vrasje të shumta në Cetinje.
Në një deklaratë të policisë, theksohet se në një objekt mikpritjeje, Martinoviq ka vrarë të paktën katër persona, duke përfshirë edhe anëtarë të familjes së tij, pas së cilës ka lënë objektin i armatosur dhe ka ikur.
“Policia është duke ndërmarrë të gjitha aktivitetet në juridiksionin e saj për lokalizimin dhe vënien nën kontroll të personit dhe në terren ndodhen të gjitha njësitë organizative në dispozicion të policisë, përfshirë edhe Njësinë Speciale të Policisë. Vërejmë se personi është i armatosur dhe i rrezikshëm dhe njëherë drejtpërsëdrejti apelojmë te qytetarët e Cetinjës që të qëndrojnë të shëndoshë në objektet e tyre banesore dhe të mos lejojnë persona të panjohur në shtëpitë e tyre, ndërsa policia të marrë të gjitha masat dhe veprimet me qëllim mbrojtjen e tyre dhe ndjekjen penale të autorëve të kësaj ngjarjeje”, thuhet në njoftim.
Kujtojmë nga policia se bëhet fjalë për një ngjarje situative që nuk është rezultat i goditjes së grupeve të organizuara kriminale me rrezikshmëri të lartë, raporton Vijesti.
