Liverpool është kthyer në rrugën e fitoreve.
Pas dy humbjeve radhazi, ‘Reds’ kanë arritur të marrin fitore kundër Bournemouth, me përmbysje, me rezultatin 2:1, shkruan lajmi.net.
Skuadra e Jurgen Klopp gjeti vetën në disavantazh qysh në minutën e 9’, kur mysafirët shënuan me anë të Callum Wilson.
Nuk vonoi shumë dhe nikoqirët u kundërpërgjigjën me anë të Mohamed Salah, i cili pas asistimit të mirë të Mane, dërgoi topin në rrjetë në minutën e 25’.
Vetëm tetë minuta më vonë, Mane u shfaq përsëri në skenë, kësaj radhe në rolin e realizatorit, duke konkretizuar asistimin e Virgil van Dijk.
Ky gol vulosi edhe rezultatin final të këtij takimi dhe ishte i vlefshëm për tri pikët e reja të Liverpool.
Tashmë ‘Reds’ numërojnë 82 pikë në pozitën e parë, kurse Bournemouth mbeten me 27 pikë në pozitën 18 në tabelën e Premierligës.
