Burnley ka marrë një pikë në ‘Anfield’.
Pasi janë shpallur kampionë, Liverpool nuk po luajnë me motivimin më të lartë të mundshëm. Kjo u pa edhe në ndeshjen e sotme, ku ‘Reds’ luajtën baras 1:1 me Burnley, shkruan lajmi.net.
Liverpool ishin ata që kaluan të parët në epërsi, kur golin e gjeti Andrew Robertson, në minutën e 34’ të takimit, pas një asistimi nga Fabinho.
Burnley ndëshkoi Liverpoolin në minutën e 69’, pas një dalje të pasigurt të Alisson Becker.
Ishte Jay Rodriguez që shënoi në portën e ‘Reds’ dhe me këtë gol siguroi një pikë për skuadrën e tij.
Me këtë barazim, Liverpool shkon në 93 pikë, kurse Burnley numëron pikën e 50-të të sezonit për pozitën e nëntë.
