Një grup ligjvënësit amerikanë kanë paraqitur legjislacionin për të bllokuar administratën e presidentit Donald Trump që të vazhdojë me disa shitje të mëdha armësh në Izrael, duke përmendur shqetësimet për viktimat civile në Gaza dhe shkeljet e mundshme të ligjit ndërkombëtar, transmeton Anadolu.
Demokratët Pramila Jayapak dhe Rashida Tlaib, gruaja e parë palestineze amerikane që shërben në Kongres, po udhëheqin përpjekjet me katër rezoluta të përbashkëta të mos miratimit që synojnë transferime specifike të armëve.
Masat e propozuara synojnë të ndalojnë shitjet e armëve me vlerë miliarda dollarë, përfshirë 35.529 bomba me fuqi prej 2 mijë paundësh, sisteme të ndryshme udhëzuese për municionet, mijëra bomba të tjera dhe buldozerë të blinduar që janë përdorur në prishjen e shtëpive palestineze.
Masa vjen në mes të një ofensive të vazhdueshme ushtarake që ka vrarë mbi 50 mijë palestinezë që nga tetori i vitit 2023.
“Duke vazhduar me ofrimin e armëve sulmeve për qeverinë izraelite, edhe pse ato shkelin ligjet ndërkombëtare dhe ato të SHBA-së, është e papranueshme dhe na bën bashkë-fajtorë në këtë dhunë dhe shkatërrim”, tha Jayapal.
Duke iu referuar bllokadës së vazhdueshme të ndihmës ndaj Rripit të Gazës nga Izraeli, Jayapal theksoi se “duhet të kthehemi te një armëpushim të negociuar që lejon hyrjen e ndihmave humanitare në Gaza, lirimin e pengjeve të mbetura dhe sigurinë e qëndrueshme në rajon”.
Përpjekja legjislative bazohet në rezolutat e mëparshme të paraqitura nga ligjvënësit që synojnë miliarda në shitjet e propozuara ushtarake.
Administrata e Trumpit ka mbajtur mbështetje të fuqishme për fushatën ushtarake të Izraelit, me zyrtarët që pretendojnë se transferimet e armëve janë të nevojshme për vetëmbrojtje të Izraelit.
Derisa republikanët i japin mbështetje të fortë Izraelit dhe kanë një shumicë në të dyja dhomat e Kongresit, propozimet e demokratëve nuk kanë gjasa të kalojnë.
Blloku i propozuar vjen nën një dispozitë të Aktit të Kontrollit të Eksportit të Armëve që lejon Kongresin të rishikojë dhe të bllokojë potencialisht shitjet ushtarake të huaja. Megjithatë, presidentët shpesh kanë anashkaluar rishikimet e tilla duke deklaruar nevoja emergjente për sigurinë kombëtare.
Debati mbi shitjen e armëve në Izrael është intensifikuar pasi kriza humanitare në Gaza po thellohet më tej, me gjykatat ndërkombëtare që gjithnjë e më shumë po shqyrtojnë veprimet ushtarake të Izraelit.
Nëntorin e vitit të kaluar, Gjykata Penale Ndërkombëtare lëshoi urdhër-arreste ndaj kryeministrit izraelit, Benjamin Netanyahu dhe ish-ministrin të Mbrojtjes, Yoav Gallant, duke i akuzuar për krime lufte dhe krime kundër njerëzimit në Gaza.
Izraeli për luftën në enklavën palestineze gjithashtu përballet me një çështje gjenocidi në Gjykatën Ndërkombëtare të Drejtësisë.
