Lideri i administratës së re në Siri, Ahmed al-Sharaa, ka uruar Donald Trump, i cili mori zyrtarisht detyrën si presidenti i 47-të i Shteteve të Bashkuara të Amerikës, transmeton Anadolu.
Në faqen Telegram të Komandës së Operacioneve Ushtarake që përmbysi regjimin Baath në Siri, u publikua një mesazh urimi nga lideri i administratës së re në Siri drejtuar presidentit amerikan Trump.
Al-Sharaa ka theksuar se është i sigurt që presidenti i SHBA-së do të sjellë paqe në Lindjen e Mesme.
“Kemi besim të plotë se me këtë administratë, SHBA-ja dhe Siria do të kenë mundësinë të krijojnë një partneritet që përmbush pritshmëritë e të dy vendeve”, është shprehur Al-Sharaa, duke shtuar se ata presin që marrëdhëniet mes dy vendeve të përmirësohen në bazë të dialogut dhe të mirëkuptimit.
“Ne shprehim urimet tona më të sinqerta për një mandat të presidencial të suksesshëm dhe për forcën dhe prosperitetin e qëndrueshëm të popullit amerikan”, ka shtuar Al-Sharaa.
