Republika e Kosovës sot shënon 13 vjetorin e pavarësisë.
Në mesin e shumë shteteve që kanë uruar Kosovën për këtë përvjetor, është Gjermania, Lituania dhe Malajzia.
U.d e presidentes, Vjosa Osmani përmes një postimi në Twitter ka falënderuar presidentin e Gjermanisë, Frank Wlater Steinmeier për urimin.
“Lidhja mes Kosovës dhe Gjermanisë mbetet e fortë. Faleminderit president Steinmeier për mbështetjen tuaj të vazhdueshme si dhe urimet tuaja të sinqerta në 13 vjetorin e pavarësisë tonë”, ka shkruar Osmani.
Presidenti i Lituanisë, Gitanas Nauseda përmes një postimi në Twitter, ka uruar u.d e presidentes Vjosa Osmani me rastin e ditës së pavarësisë.
“Urime ushtrueses së detyrës së presidentit, Vjosa Osmani dhe të gjithë njerëzit e Kosovës në ditën e pavarësisë. Ne mbështesim Pavarësinë e Kosovës dhe përpjekjet për të ndërtuar një shtet demokratik dhe multi-etnik. Lituana vazhdimisht qëndron pranë Kosovës për aspiratat e saja euro-integruese”, ka shkruar presidenti lituanez.
Ministrja e Punëve të Jashtme të Malajzisë, Wisma Putra ka shprehur urimet më të përzemërta për Kosovën.
“Wisma Putra i shpreh urimet e saj më të përzemërta Republikës së Kosovës me rastin e 13 vjetorit të pavarësisë. Malajzia dhe Republika e Kosovës vendosën marrëdhënie diplomatike në vitin 2011”, ka shkruar ajo në Twitter.
