Emisari special i BE-së Miroslav Lajçak, ka deklaruar se dialogu Kosovë-Serbi është qartë i ndërlidhur me të ardhmen e tyre.
Ai sot gjatë një takimi në Luksemburg me ministrat e Jashtëm të BE-së, ka prezantuar raportin për rrjedhën e dialogut Kosovë-Serbi.
“Mirëpres interesimin e sinqertë dhe mbështetjen e fuqishme të ministrave të Jashtëm të BE-së. Diskutimet e sotme konfirmuan se dialogu është qartë i ndërlidhur me të ardhmen evropiane të Kosovës dhe Serbisë”, ka shkruar Lajçak në Twitter pas takimit.
Ndryshe Miroslav Lajçak, do të vijë nesër në Prishtinë. Lajmin për ardhjen e Lajçakut në Kosovë e ka konfirmuar zyra e Kryeministrit.
Lajçak në Prishtinë do të takohet me kryeministrin Avdullah Hoti.
