Izraeli tha të dielën se fëmijët e moshës pesë deri në 11 vjeç do të kualifikoheshin për vaksinim kundër virusit COVID-19 dhe se data e fillimit të fushatës do të bëhej publike brenda disa ditësh.
Vendimi, i shpallur nga Ministria e Shëndetësisë, pasoi miratimin nga paneli i saj i ekspertëve për vaksinat javën e kaluar, pasi Administrata e Ushqimit dhe Barnave të SHBA-së lejoi përdorimin urgjent të vaksinës Pfizer dhe BioNTech për grupmoshën në një dozë prej 10 mikrogramësh.
Injeksioni origjinal i dhënë për ata të moshës 12 vjeç e lart është 30 mikrogramë. Pfizer dhe BioNTech kanë thënë se vaksina e tyre tregoi 90.7% efikasitet kundër koronavirusit në një provë klinike të fëmijëve të moshës pesë deri në 11 vjeç.
Në një deklaratë, ministria tha se data e fillimit për fëmijët nga 5 deri në 11 vjeç për të nisur marrjen e vaksinës Pfizer/BioNTech do të caktohet brenda disa ditësh.
“Shumica e ekspertëve në komision ishin të mendimit se përfitimi i vaksinimit të kësaj grupmoshe tejkalonte çdo rrezik”, thuhet në deklaratë.
Popullsia 9.4 milionëshe e Izraelit është relativisht e re, me rreth 1.2 milionë fëmijë në grupmoshën 5-11 vjeç. Zyrtarët shëndetësorë kanë pasur dyshime se vendi mund të arrijë “imunitetin e tufës” nëse ata fëmijë nuk vaksinohen.
Një sondazh i opinionit në Izrael javën e kaluar tregoi se 27% e prindërve do të lejonin fëmijët e tyre nën moshën 12 vjeç të merrnin vaksinën, me 33% kundër dhe 40% të pavendosur.
Katër milionë izraelitë kanë marrë injeksione dozën e tretë, të cilat në gusht u miratuan për këdo që e kishte bërë injektimin e dytë Pfizer të paktën pesë muaj më parë.
Duke miratuar një strategji “Të jetosh me COVID”, qeveria i mbajti shkollat edhe ekonominë gjerësisht të hapura gjatë një vale të katërt të infeksioneve, ndërsa shpresonte të mposhtte pandeminë me vaksina përforcuese, vendosje të detyruara të maskave dhe një sistem “Green Pass” të certifikimit digjital. /tiranapost
