Aktgjykimi i plotë i Gjykatës Kushtetuese për dekretin e presidentit tashmë i është shpërndarë palëve, të cilin e ka siguruar ekskluzivisht Klan Kosova.
Kjo i hap rrugë edhe thirrjes së seancës së jashtëzakonshme për votimin e Qeverisë Hoti.
Në LDK kanë thënë vazhdimisht se kërkesën për thirrjen e seancës së jashtëzakonshme do ta dërgojnë vetëm pasi ta kenë pranuar dokumentacionin e plotë nga Gjykata Kushtetuese.
Gjykata Kushtetuese ka ardhë në përfundim se dekreti i presidentit Hashim Thaçi me të cilin e mandatoi Avdullah Hotin për kryeministër është në përputhje me Kushtetutën.
“TË SHPALLË, njëzëri, që Dekreti i 30 prillit 2020 i Presidentit të Republikës së Kosovës, përmes së cilit “Z. Avdullah Hoti, i propozohetKuvendit të Republikës së Kosovës kandidat për Kryeministër për të formuar Qeverinë e Republikës së Kosovës”, është në përputhshmëri me paragrafin 2 të nenit 82 [Shpërndarja e Kuvendit] të Kushtetutës së Republikës së Kosovës”, thuhet në përfundimet e këtij aktgjykimi.
