Në lëkurën e iriqëve të egër është zhvilluar një parazit tepër rezistent ndaj antibiotikëve të paktën 200 vjet më parë.
Bakteri, një lloj stafilokoku, ka përparuar natyralisht si rezultat i një beteje mes kërpudhave dhe baktereve te këto kafshë.
Paraziti i ardhur nga iriqët evoloi përpara se të krijoheshin antibiotikët që ne njohim sot. Një skuadër ndërkombëtare shkencëtarësh zbuloi që një kërpudhë lëkure e zakonshme te iriqët, është një prodhuese natyrale antibiotikësh. Bakteri i gjetur zhvilloi një përgjigje automatike rezistente ndaj tyre.
Ky bakter është shkaktar infeksionesh në 1 në 200 njerëz. Përdorimi i tepruar i antibiotikëve, si te kafshët, edhe te njerëzit, nxit rezistencën e tij, e për pasojë sëmundjet./tvklan.al
