Gjykata Ndërkombëtare Penale (GJPN) ka mbledhur më shumë prova dhe informacione në 18 muajt e fundit sesa në 20 vitet që nga themelimi i saj, tha sot kryeprokurori i saj, Karim Khan.
Karim Khan theksoi përpjekjet e fundit intensive të gjykatës gjatë fjalimit të tij në sesionin e 23-të të Asamblesë së Shteteve Palë (ASP) për Statutin e Romës të GJNP-së.
GJNP-ja ka pranuar shumicën e provave dhe dokumenteve në historinë e saj vitin e fundit, me organizata joqeveritare (OJQ) dhe viktima që kanë dorëzuar një numër të madh dokumentesh dhe provash sipas nenit 15 të Statutit të Romës, vuri në dukje ai.
Nga 30 urdhërarrestet e lëshuara nga gjykata, kryeprokurori tha se 18 janë lëshuar brenda tri viteve të fundit.
Duke theksuar se ligji duhet të zbatohet në mënyrë të barabartë për të gjithë, Khan tha se mbrojtja që gëzojnë njerëzit në njërën anë të botës nuk është e ndryshme nga ajo në anën tjetër.
Ai preku rëndësinë e punës dhe veprimit së bashku për të përmbushur më mirë qëllimin e gjykatës dhe detyrat që i janë caktuar sipas Statutit të Romës.
Më 21 nëntor, Gjykata Penale Ndërkombëtare lëshoi urdhërarrest për kryeministrin izraelit Benjamin Netanyahu dhe ish-ministrin e mbrojtjes Yoav Gallant për krime lufte dhe krime kundër njerëzimit në Gaza.
