Kryeministri të Kosovës, Albin Kurti, do t’i hetohet pasuria në mënyrë të plotë.
Kjo pasi, Agjencia Kundër Korrupsionit ka bërë hedhjen e shortit për përzgjedhjen e 20 për qind të zyrtarëve që janë subjekt i deklarimit vjetor të pasurisë.
Në pajtim me Ligjin për Deklarim, prejardhjen dhe kontrollin e pasurisë dhe deklarimin, prejardhjen dhe kontrollin e dhuratave, Agjencia kundër Korrupsionit dje ka publikuar deklarimin e pasurisë për zyrtarët e lartë publik për vitin 2021.
E në këtë deklarim të kryeministrit Kurti është theksuar se në xhirollogarinë e tij bankare ka vetëm 400 euro.
Por në të njëjtën kohë në këtë deklarim thuhet se bashkëshortja e Kurtit ka edhe borxhe.
E njëjta ka një kredi në vlerë 290 mijë euro, të cilën e ka në kohëzgjatje prej 25 vitesh, e që thuhet ta ketë marrë për blerjen e apartamentit.
Ndërkohë, Kurti ka deklaruar qiranë e shtëpisë në vlerë 250 euro, për tri vite.
